Porsche ka një shef të ri

Pas muajsh presioni të brendshëm dhe pakënaqësisë në rritje nga investitorët, Porsche ka njoftuar se do të zëvendësojë drejtorin ekzekutiv Oliver Blume.

Kompania konfirmoi nëpërmjet një deklarate zyrtare se kanë filluar negociatat për një përfundim të parakohshëm dhe të dakorduar reciprokisht të mandatit të Blume si kreu i Porsche AG.

Michael Leiters, ish-drejtor ekzekutiv i McLaren Automotive dhe një ish-ekzekutiv i Porsche me 13 vjet përvojë në kompani, do të marrë në dorë kompaninë.

Ai shihet gjerësisht si kandidati ideal për të rigjallëruar markën me seli në Zuffenhausen.

Ky veprim vjen në një kohë kritike për Porsche.

Dikur ndër prodhuesit më fitimprurës të automjeteve, kompania kohët e fundit është bërë gjithnjë e më e ndjeshme ndaj paqëndrueshmërisë së tregut.

Kërkesa e dobët në Kinë, rritja e tarifave të eksportit në SHBA dhe pasiguria e vazhdueshme rreth kalimit në automjete elektrike kanë lënë gjurmë – sidomos me rishikimin e kushtueshëm të strategjisë së saj EV prej 1.8 miliardë eurosh.