Drejtoria e Policisë së kryeqytetit në kuadër të angazhimeve për rritjen e sigurisë në shkolla dhe vetëdijesimin e nxënësve, ka filluar mbajtjen e ligjëratave edukative në shkollat e Prishtinës.
Ligjëratat po zhvillohen me temën “Siguria e këmbësorëve në trafik”.
Kjo me qëllim që nxënësit të pajisen me informacione të dobishme për rritjen e sigurisë së tyre.
Nëpërmjet një njoftimi, Policia e Kosovës thekson se angazhimet për sigurinë në shkolla do të vazhdojnë përmes edukimit dhe aktiviteteve të tjera parandaluese, duke kontribuar kështu në krijimin e një ambienti më të sigurt për nxënësit.
Burimi: botasot.info
