Një aksident i rëndë ka tronditur garën e Kampionatit Italian të Shpejtësisë (CIV) në pistën e Mugello-s, këtë të shtunë.
Piloti 20-vjeçar nga Caserta, Paolo Conte, pjesë e skuadrës Chiodo Moto Racing, pësoi një përplasje të fortë gjatë garës së kategorisë Sport Bike.
Sipas rindërtimeve të para të ngjarjes, incidenti ndodhi gjatë xhiros së parafundit, në daljen e kthesës Bucine, pak para vijës së finishit.
Conte dyshohet se është përplasur me një tjetër pilot dhe më pas ka humbur kontrollin e motorit, duke përfunduar me forcë në zonën me zhavorr jashtë pistës.
Situata u paraqit menjëherë serioze, duke detyruar organizatorët të ndërpresin garën me flamur të kuq, në mënyrë që ekipet mjekësore të ndërhynin menjëherë.
Piloti u stabilizua në vendngjarje, më pas u intubua dhe u transportua me helikopter drejt spitalit Careggi në Firence.
Mjekët konfirmuan se i riu ka pësuar traumë të rëndë në kokë dhe ndodhet në gjendje të rëndë, me prognozë të rezervuar.
Në orët në vijim, ai do t’u nënshtrohet ekzaminimeve të mëtejshme për të përcaktuar shkallën e dëmtimeve.
Burimi: botasot.info
