Numri i viktimave nga rrëshqitja masive e dheut që goditi Qarkun Gyirong, pranë qytetit Shigatse në Tibet, në kufirin mes Kinës dhe Nepalit, ka shkuar në 150 të vdekur, ndërsa qindra persona rezultojnë të zhdukur, përfshirë 291 turistë.
Fatkeqësia dyshohet se u shkaktua nga një kombinim i përmbytjeve të menjëhershme dhe rrëshqitjeve të dheut, të cilat kanë shkaktuar dëme të mëdha dhe kanë përfshirë ndërtesa e zona të banuara.
Ekipet e shpëtimit po punojnë pa ndërprerje për gjetjen dhe shpëtimin e personave të zhdukur. Sipas të dhënave të raportuara nga BBC, mes personave që rezultojnë të zhdukur besohet se janë 133 shtetas indianë, të paktën 47 amerikanë dhe 33 britanikë.
Presidenti kinez Xi Jinping ka urdhëruar intensifikimin e operacioneve të kërkim-shpëtimit dhe marrjen e të gjitha masave të nevojshme për përballimin e situatës. Sipas një zëdhënësi, përmasat e dëmeve janë “përtej imagjinatës”.
Burimi: botasot.info
