Naoya Inoue është një hap më afër ndeshjes më të madhe në historinë e boksit japonez. Të shtunën në Riad, ai mposhti Alan Picasso me një performancë dominuese dhe një vendim unanim, duke mbrojtur titujt e tij të padiskutueshëm në peshën super bantam dhe duke hapur derën për një përplasje të shumëpritur me bashkatdhetarin Junto Nakatani.
Inoue festoi kështu në ndeshjen e tij të 27-të radhazi për rripin, dhe me katër mbrojtje të suksesshme të titullit botëror në një vit kalendarik, ai barazoi rekordin e Muhammad Ali nga viti 1976 dhe Larry Holmes nga viti 1983, raporton KosovaPress.
Ishte mbrojtja e gjashtë e suksesshme e titujve të padiskutueshëm të Inoue në peshën 55 kilogramë, duke përmirësuar rekordin e tij profesional në një rezultat perfekt 32-0, me 27 nokaut.
Ndeshja Inoue-Nakatani, për të cilën flitet gjerësisht se do të zhvillohet më 3 maj në Tokyo Dome, do të vërë përballë dy kampionë të pamposhtur të shumë divizioneve në kulmin e fuqisë së tyre.
Burimi: botasot.info
