Pas Zymit, vazhdojmë në Prishtina Mall

Kampionati i Kosovës në automobilizëm vazhdon në këtë fundjavë.

Pas garës në disiplinën malore, e cila u mbajt në Zym, radha është për diçka krejt ndryshe.

Të pasionuarit pas auto sllallomit me vetura elektrike dhe karting sllallomit, meshkuj dhe femra, këtë fundjavë do të sfidohen në parkingun jugor të qendrës tregtare “Prishtina Mall.

Organizatori, Auto Moto Club Kosova (AMCK), në bashkëpunim me Fedetatën e Auto Sportit të Kosovës (FASK) tashmë janë në fazën e fundit të përgatitjeve për dy garat e kësaj fundjave.

Të shtunën, më 20 shtator, pista do “të pushtohet” nga e ardhmja e auto sportit tonë, garuesit e disiplinës karting sllallom.

Ndërsa të dielën, më 21 shtator, pasohet me auto sllallom me vetura elektrike.

Emocion, përqendrim, adrenalinë, teknikë e shpejtësi do të ketë në këto gara.

Më të mirët nderohen me kupa, ndërsa fitues do të jenë të gjithë!