Përmes një postimi në rrjetet sociale, ekipi i Bylisit ka bërë të ditur se është pro ndryshimit të strukturës për sezonin e ri në elitën e futbollit shqiptar. FSHF mbajti ditën e sotme një takim konsultues me krerët e ekipeve që militojnë në Superiore.
Ndër të tjera, ballshiotët shprehën se ata janë pro shtimit të ndeshjeve, zhvillimi i tyre në “Air Albania”, promovimin e talenteve, të drejtave televizive dhe afrimin e sponsorëve, duke rritur buxhetet e klubeve. Ja postimi i plotë:
“Departamenti i Garave në FSHF zhvilloi sot një takim konsultues me drejtues të klubeve të kampionatit “Abissnet Superiore”, ku edhe klubi ynë mori pjesë, duke mbështetur propozimin e FSHF-së. Klubi ka dalë edhe me një deklaratë zyrtare… ‘
BYLIS mbështet propozimin për ndryshimin në strukturë, për sezonin 2025-2026, pasi ndikon pozitivisht jo vetëm në ‘Final Four’.
Ne si klub, që në sezonin e shkuar mbijetuam falë meritës dhe luftës sportive deri në fund, e mbështesim sepse, skema me përgjysmimin e pikëve, për 4-ekipet në ‘Final Four’, do të ketë ndikim pozitiv këtë sezon, çdo ekip do të luftojë për 3-pikët dhe do të ketë garë deri në javën e fundit, duke shtuar konkurrencën.
Natyrisht që shtimi i ndeshjeve, e sidomos zhvillimi i tyre në një impiant modern si ‘Air Albania’, do të jetë reklama më e mirë për futbollin shqiptar në tërësi, por edhe në promovimin e talenteve të reja, që aspirojnë të luajnë jashtë dhe në Kombëtare, në imazhin e së drejtës televizive dhe afrimin e sponsorëve, çka ndikon pozitivisht duke rritur edhe buxhetin e klubeve’”.
Burimi: botasot.info
