“Pandora” do të monitorojë 20 planete

Lëshohet në orbitë teleskopi i ri hapësinor i Nasës, Pandora.

Qëllimi konsiston në studimin e atmosferës së të paktën 20 planetëve që gjenden jashtë Sistemit Diellor dhe yjeve përkatës.

Misioni për zbulimin e botëve të tjera do të zgjasë vetëm një vit. Ka një peshë prej vetëm 325 kg, ka të montuar një teleskop me diametër 45 cm dhe është programuar të kalojë pranë yjeve të 20 planetëve të targetuar.

Duke analizuar dritën që përshkon ndërmjet atmosferave të tyre, do të përcaktojë praninë e avujve, mjegullës apo reve dhe do të mbledhë në të njëjtën kohë edhe të dhëna me rreze infra të kuqe.

Sipas informacioneve të ndara nga Agjencia Hapësinore Amerikane NASA, teleskopi Pandora do të përqendrohet veçanërisht mbi planetë të cilët kanë atmosfera të dominuara nga dy elemente thelbësore, uji dhe hidrogjeni.