Pamela Anderson ka shënuar një tjetër paraqitje elegante teksa ka parakaluar në tapetin e kuq për ceremoninë e hapjes së Golden Lion në Venecia.
Aktorja 59-vjeçare kishte kombinuar një bluzë të lirshme prej byrynxhyku në ngjyrë lejla të çelët me një fund të gjatë, ndërsa mbante një çantë në të njëjtën ngjyrë. Ajo pozoi së bashku me bashkëshortin e Rita Ora, regjisorin Taika Waititi, 51 vjeç.
Ngjarja u mbajt për nder të aktores së filmit “The Exorcist”, Ellen Burstyn, 93 vjeçe, e cila u nderua me një çmim për arritjet e saj gjatë gjithë karrierës.
Ikona e “Baywatch” kishte flokët e saj bionde platin të stiluar me kaçurrela të lehta, ndërsa grimi i saj ishte i thjeshtë dhe natyral.
Më herët gjatë ditës, Pamela pozoi jashtë Hotel Excelsior, ku përshëndeti fansat, pasi disa orë më parë ishte shfaqur me një kostum të zi dhe një bluzë të bardhë me detaje të valëzuara, shkruan Daily Mail.
Aktorja ndodhet në Festivalin e Filmit në Venecia për të promovuar filmin e saj të ri, “Place To Be”, si dhe për të marrë një çmim prestigjioz në ceremoninë amfAR Gala.
Burimi: botasot.info
