Cristiano Ronaldo nuk do të jetë në dispozicion të Al Nassr për ndeshjen e së hënës kundër Al Riyadh, me mungesën e tij që nuk lidhet me gjendjen fizike apo menaxhimin e ngarkesës. Sipas raportimeve, vendimi i yllit portugez lidhet me pakënaqësinë ndaj mënyrës se si Fondi Publik i Investimeve i Arabisë Saudite (PIF) po e trajton klubin e tij.
Sipas informacioneve të raportuara nga Fabrizio Romano, mungesa e Ronaldos nuk ka arsye sportive.
Ndërkohë, media portugeze A Bola, duke iu referuar burimeve brenda Al Nassr, bën të ditur se lojtari është i pakënaqur me diferencën në investime, sidomos krahasuar me rivalët direkt si Al Hilal, që edhe në afatin dimëror kanë përfituar përforcime të rëndësishme.
Në planin sportiv, Ronaldo po kalon një sezon solid, duke qenë golashënuesi i dytë më i mirë i Ligës Saudite me 17 gola.
Al Nassr renditet në vendin e tretë me 43 pikë, sa Al Ahli, dhe ndodhet tri pikë prapa liderëve të kampionatit, Al Hilal.
Burimi: botasot.info
