Presidentja e Kosovës, Vjosa Osmani, gjatë vizitës së saj në Berlin, zhvilloi takime të ndara me deputetët gjermanë Johannes Volkmann dhe Roderich Kiesewetter, si dhe me Mark Speich, Sekretarin e Përgjithshëm të fondacionit Konrad Adenauer Stiftung.
Në këto takime, Osmani dhe bashkëbiseduesit e saj diskutuan për forcimin e bashkëpunimit dypalësh ndërmjet Kosovës dhe Gjermanisë.
“Ritheksova përkushtimin e Kosovës për partneritet edhe më të ngushtë me Gjermaninë, nga siguria dhe mbrojtja, te zhvillimi ekonomik e inovacioni”, ka shkruar Osmani në Facebook.
Gjatë qëndrimit në Berlin, Osmani dha gjithashtu intervista për mediat ndërkombëtare Politico dhe Deutsche Welle, ku foli për zhvillimet e fundit në Kosovë dhe rajon .
Burimi: botasot.info
