Ndërsa OnePlus i afrohet përvjetorit të 10-të në Dhjetor, më datën 5 të muajit të ardhshëm do të lançojë smartfonin e ri flagship në Shenzen të Kinës.
Uebsajti zyrtar Kinez i OnePlus zbuloi OnePlus 12 me një paraqitje shumë të ngjashme me paraardhësin edhe pse ngjyra e ishullit të kamerave të pasme tashmë e njëjtë me trupin.
Përveç opsioneve të ngjyrave mat dhe me shkëlqim, dizajni jeshil i përditësuar do të vijë në ngjyrë mat, njëlloj si dizajni në ngjyrë të zezë.
Sakaq ngjyra e bardhë do të jetë me shkëlqim. Disa prej specifikave të OnePlus janë procesori Snapdragon 8 Gen 3, një sensor i ri kamere Sony LYT-808 për kamerën kryesore 50-megapiksel dhe një kamer e re telefoto periskop 3X prej 64-megapiksel.
Të dy kamerat kanë “prekjen” e Hasselblad. Detaje të tjera janë paneli 2K i ekranit prodhuar nga kompania Kineze BOE, rrëshqitësi ikonik i njoftimeve, karikimi wireless, infra të kuqe dhe optimizim i prekjes gjatë përdorimit në shi.
Kjo e fundit është importuar nga smartfoni Ace 2 Pro i OnePlus. Shumë pak dihet rreth detajeve të tjera të OnePlus 12. Për ata që jetojnë jashtë Kinës, OnePlus ka konfirmuar se debutimi global do të bëhet më 15 Dhjetor.
/PCWorld Albanian
BURIMI: PCWORLD.AL
