Këngëtarja amerikane Olivia Rodrigo ka ndarë pikëpamjet e saj për martesën dhe amësinë, duke theksuar se gratë e reja nuk kanë nevojë të martohen apo të kenë fëmijë për të pasur një jetë të lumtur.
Në një intervistë për revistën “British Vogue”, 23-vjeçarja u shpreh se jeta ofron shumë arsye për lumturi përtej këtyre etapave tradicionale.
Me humor, Rodrigo tha se martesa është ende diçka e largët për të, duke lënë të kuptohet se aktualisht nuk e sheh si një prioritet.
Megjithatë, këngëtarja theksoi se nuk është kundër amësisë. Përkundrazi, ajo zbuloi se dëshiron të bëhet nënë një ditë dhe se kjo është një nga dëshirat e saj më të mëdha.
Deklaratat e saj kanë nxitur reagime të ndryshme në rrjetet sociale. Shumë njerëz e kanë përkrahur mesazhin se lumturia e një gruaje nuk duhet të përcaktohet nga martesa apo lindja e fëmijëve, ndërsa të tjerë kanë mbrojtur rëndësinë e martesës dhe amësisë në jetën e tyre.
Burimi: botasot.info

