Obiliqi miraton 350 euro në muaj për familjet strehuese

Kryetari i Obiliqit, Halil Thaçi, bën të ditur se, sot ka nënshkruar vendimin për mbështetje financiare për familjet strehuese në Komunën e Obiliqit, të cilat kujdesen për fëmijët pa përkujdesje prindërore. Sipas këtij vendimi, këto familje do të përfitojnë 350 euro në muaj.

Ai theksoi se kujdesi për fëmijët nuk duhet parë si bamirësi, por si përgjegjësi institucionale, duke shtuar se Komuna e Obiliqit do të jetë pranë atyre që kontribuojnë më shumë për shoqërinë.

“Sot kam nënshkruar vendimin që familjet strehuese në Komunën e Obiliqit, ato që hapin derën dhe zemrën për fëmijët pa përkujdesje prindërore, të mbështeten me 350 euro në muaj.

Kujdesi për fëmijët nuk është bamirësi, por përgjegjësi institucionale. Komuna do të jetë pranë atyre që bëjnë më shumë për shoqërinë”, shkruan Thaçi në Facebook.