Nxënësi Dijar Sejfullahu, i klasës së VI-të në Shkollën Fillore “Imri Elezi” të komunës së Çairit në Shkup, ka përfaqësuar me dinjitet shkollën në Garat Shtetërore të Shkencave Natyrore, të cilat u mbajtën sot.

“Pas rezultateve të shkëlqyera dhe suksesit të arritur në garat komunale dhe rajonale, Dijari vazhdoi rrugëtimin e tij të suksesshëm duke marrë pjesë në nivelin më të lartë të garave për këtë lëndë”, kanë informuar nga SH.F “Imri Elezi”.

Kolektivi i shkollës ka shprehur krenarinë për angazhimin, përkushtimin dhe punën e palodhshme të nxënësit Dijar Sejfullahu i cili me rezultatet e tij po dëshmon vlerat e dijes dhe të punës së vazhdueshme dhe njëherësh i kanë uruar atij shumë suksese në Garat Shtetërore, si dhe arritje të reja në të gjitha garat dhe sfidat e ardhshme arsimore.