Xhudistet e Ipponit të Pejës sot treguan formë të lartë në Brno.
Edhe një tregues tjetër se xhudo është kryefjala e sportit të Kosovës duke iu falënderuar trajnerin të madh Driton Kuka.
“Një ditë e shkëlqyeshme për klubin e xhudos Ippon sot në Brno të Çekisë!
Tri vajza të reja mosha U15 sot prezantuan klubin, federatën e mbarë Kosovën në garën e vetme zyrtare për grupmosha të reja që organizon Federata Evropiane e Xhudos!
Gara e shpresave Evropiane të xhudos që u njoftua me tri vajza të reja që janë nisur drejt sukseseve nga grupi i fëmijëve që u kalitën afër Majlindes si trenere!
Teuta Marku 40 kg
Norgena Berisha 44 kg
Ermira Zabelaj 48 kg
Sot luftuan me zemër dhe të trijat performuan mirë dhe premtuan që po rriten si sportiste dita ditës!
Në Brno me garueset ishte Fiona si ndihmëse e Majlindes, meqenëse Majlinda Kelmendi për tri ditë do të jetë
trajnere i të gjithë fëmijëve të Evropës në Kampin në Brno!
Teuta e artë
Ermira e bronztë
Norgena sot mbeti për mungesë fati pa medalje!
Dy fjalë për prindërit e Teutës e në veçanti gjyshin e saj që zgjohet në ora 5 për ta sjell Teutën për stërvitje në ora 6 të mëngjesit e pastaj prapë në mbrëmje nga Klina njëjti udhëtim!
Ju lumtë ju por edhe prindërve tjerë që me përkushtim po përcjellni programin e punës së ekipit tonë!
Pos suksesit në sport po ndërtojmë fëmijë që mbi supe do e mbajnë të ardhmen e 🇽🇰 dhe Kombit tonë”, ka shkruan Kuka në profilin e tij në facebook.
Burimi: botasot.info
