Rita Ora ka zbuluar një varëse të veçantë me kristale, të cilën e mban gjithmonë me vete dhe thotë se e ndihmon të ndihet më e qetë dhe e përqendruar.
Këngëtarja shqiptaro-britanike tregoi se varësja ishte një dhuratë nga shoqja e saj e ngushtë Jana, e krijuar posaçërisht me kristale që, sipas saj, lidhen me energjinë, mbrojtjen dhe qëllimet personale.
“Ndjej se më mbron dhe më mban të përqendruar. Ndoshta është edhe çështje mendore, por besoj se energjia është reale”, tha Ora.
Ajo foli edhe për ndikimin e prejardhjes së saj shqiptare, duke thënë se është rritur me tradita dhe besëtytni të trashëguara nga familja.
“Duke ardhur nga një sfond shqiptar, jemi rritur me besëtytni. Gjyshja ime bënte gjëra nën hënën e plotë dhe lexonte filxhanin e kafesë, duke e parë si një lloj harte për të ardhmen”, tregoi këngëtarja.
Ora, e cila aktualisht po promovon filmin “Descendants: Wicked Wonderland”, tha se varësen e mban gjithmonë me vete, edhe kur nuk e përshtat me veshjen e saj.
Burimi: botasot.info
