Këtë të diele me 2 nëntor duke filluar në orën 06:00 të mëngjesit “Hikingnjeri” do të organizojë ecjen e shumëpritur në majën madhështore të Kobilicës 2528 metra dhe Malet e Lubinjës në Sharrin e Prizrenit.
I njohur edhe si vendi me natyrën më të bujshme në Sharr, kjo maje gjendet në kufi midis Kosovës dhe Maqedonisë.
“Këto fshatra përveç që ofrojnë pamje dramatike njihen edhe me fotografitë e famshme me fytyrën e nuses Ilire që ka vizatime autentike në fytyrë.
Ecja do të organizohet për 2 dëshira (mundësi):
1. Arritja deri te stani i NATOS në bjeshkë të Lubinjes ku nga aty do të mund të kënaqeni me pamje të majeve mahnitese të Sharrit të Prizrenit, te pushojmë dhe të ndezim zjarr. Këta do të ecin 12 km lartë e poshtë. Stani ne fjale ka dhoma për pushim dhe WC.
2. Grupi i të fortëve, i cili do të vazhdojë ekstra 1.5 orë deri te maja e Kobilicës. Ky ekip do të mahnitet me pamjet 360 shkallëshe nga maja, e cila gjendet midis Kosovës dhe Maqedonisë. Ky grup do të ecë 19 km lartë e poshtë”, thuhet në njoftimin e organizatorëve.
Burimi: botasot.info
