Në fundjavë do të zhvillohen dy ndeshje të xhiros së pestë të Superligës së Kosovës në hendboll në konkurrencë të meshkujve.
Të shtunën nga ora 20:00 luhet derbi i xhiros mes Vushtrrisë dhe Vëllaznimit. Kjo ndeshje zhvillohet në palestrën “Afrim Bunjaku” në Samadrexhë.
Të dy skuadrat e shohin ndeshjen si mundësi për pikë. Vushtrria ka humbur tri ndeshjet e deritashme dhe shpreson të reagojë. Ndërkohë Vëllaznimi ka dy fitore e një humbje. Mban pozitën e katërt me katër pikë.
Të dielën nga ora 18:00 është ndeshja mes Rahovecit e Trepçës. Kampioni në fuqi është favorit në ndeshjen në “Mizahir Isma”. Rahoveci ka fituar tri ndeshjet e deritashme kampionale dhe udhëheqë në tabelë me gjashtë pikë. Trepça ka një fitore e tri humbje dhe me dy pikë mban pozitën e gjashtë.
Të dielën prej orës 15:00 është ndeshja e mbetur e xhiros së dytë të Superligës së hendbollisteve mes Ulpianës dhe Shqiponjës.
Në fundjavë fillon gara edhe në Ligën e Parë.
Te meshkujt të shtunën prej orës 12:00 është takimi Istogu – Deçani, derisa ndeshjet tjera luhen më vonë për shkak të telasheve të skuadrave me palestra.
Te hendbollistet, ndeshja KEK-u – Jusuf Gërvalla është të shtunën mbrëma. Të dielën janë ndeshjet tjera, Dukagjini – Vjosa, Trepça – Vëllaznimi dhe Prizreni – Vushtrria. Ndeshja Llapusha – CLICK zhvillohet më vonë.
Burimi: botasot.info
