Policia e Kosovës ka ndaluar një automjet me targa vendore, në të cilin janë gjetur dy qengja dhe një motor veture pa dokumentacion përkatës.
Rasti është raportuar nga Stacioni Policor për Mbikëqyrjen e Kufirit në Gjilan, transmeton “Bota sot”.
Sipas raportit të Policisë, automjeti drejtohej nga një mashkull kosovar, i cili dyshohet se kishte kaluar kufirin në mënyrë të kundërligjshme, ndërsa qengjat dyshohet se janë kontrabanduar.
Me vendim të prokurorit, automjeti së bashku me qengjat janë dërguar në pikën doganore në Dheun e Bardhë për verifikim.
Rasti është duke u hetuar nga organet kompetente.
Burimi: botasot.info
