Moti në Shqipëri, i ngrohtë dhe me vranësira kalimtare

Shqipëria do të përfshihet nga kushte të qëndrueshme atmosferike, me mot të ngrohtë dhe vranësira të herëpashershme në shumë qytete. Temperaturat mbeten të larta në të gjithë territorin, me vlera që variojnë nga 14°C deri në 30°C.

Sipas parashikimit zyrtar të Shërbimit Meteorologjik Ushtarak, temperaturat maksimale do të regjistrohen në Fier, Elbasan, Berat dhe Gjirokastër, ku pritet të arrijnë deri në 30°C.

Ndërkohë, temperaturat më të ulëta në mëngjes parashikohen në Korçë (14°C) dhe Gjirokastër (14°C).

Për qytetet bregdetare si Vlora dhe Saranda, temperaturat do të luhaten mes 19°C në orët e para të mëngjesit dhe do të arrijnë deri në 29°C dhe 28°C përkatësisht gjatë ditës.

Moti parashikohet me alternime kthjellimesh dhe vranësirash kalimtare, ndërsa era do të fryjë me intensitet të moderuar, veçanërisht përgjatë vijës bregdetare.