Moment special në klubin europian, të gjitha golat në këtë sezon i shënojnë… shqiptarët

Rubin Kazani “flet” vetëm shqip këtë sezon në elitën e futbollit rus. Interesant është fakti se 4 golat në dy javët e para të kampionatit i kanë shënuar futbollistët shqiptarë, duke bërë “ligjin” në klubin rus.  

Në dy ndeshjet e zhvilluara deri tani, Rubin Kazani ka arritur të sigurojë 4 pikë.

Në javën e parë ndaj Akhmat Groznit ku Rubin fitoi me rezultatin 0-2, shënuan Shabanhaxhaj dhe Hoxha, ndërkohë që në përballjen e mbrëmjes së sotme ndaj Zenitit, golat u shënuan nga Hoxha dhe Daku.  

Në duelin e radhës, skuadra e shqiptarëve do të përballet me Soçin e vendit të fundit, teksa ngelet të shihet me mjaft interes, nëse trendi i golave shqiptarë do të vijojë…