Zëdhënësja e Qeverisë, Marija Miteva, deklaroi sot se monumenti “Makedonium” do të rinovohet dhe do t’i rikthehet lavdia e merituar. Ajo theksoi se ndërprerja e procesit të restaurimit në vitin 2017 nga qeveria e mëparshme ka lënë pasoja të rënda për këtë objekt simbolik të historisë dhe identitetit kulturor të vendit. “Situata aktuale nuk është rezultat i neglizhencës së Qeverisë sonë, por i mosveprimit afatgjatë në të kaluarën. Detyrimi ynë është ta korrigjojmë këtë,” u shpreh Miteva.
Sipas saj, për vitin 2025 janë siguruar 2.5 milionë denarë për ndërhyrje urgjente, ndërsa deri në mesin e vitit 2026 do të përgatitet projekti i plotë për rinovimin dhe konservimin e kompleksit. Miteva theksoi se, për shkak të veçantisë arkitektonike të monumentit, do të përfshihet edhe ekspertizë ndërkombëtare. “Makedoniumi nuk do të lihet të shkatërrohet. Ai është pjesë e kujtesës dhe identitetit tonë kombëtar dhe do t’u transmetohet brezave të ardhshëm,” përfundoi ajo.
