Rrezatues nga lumturia, Jeff Bezos i mbante dorën në bel gruas së tij të re, Lauren Sanchez, teksa u përshëndetën për muajin e mjaltit.
Çifti i sapomartuar i dha fund dasmës së tyre madhështore prej 33.5 milionë paundësh, ndërsa u nisën nga hoteli i tyre në Venecie me varkë.Themeluesi i Amazon-it, Jeff Bezos, 61 vjeç, ngriti dorën lart për t’u përshëndetur me spektatorët pas festës treditore madhështore.
Të ftuarit e famshëm si Kylie Jenner, Orlando Bloom dhe Leonardo DiCaprio u fotografuan gjithashtu duke hipur në taksi ujore për t’u kthyer në shtëpi.
Çifti i lumtur tha “Po” në atë që u quajt “martesa e shekullit”, e cila u mbajt në manastirin mahnitës San Giorgio Maggiore në Venecie, në një ceremoni luksoze.
Ish-gazetarja Lauren Sanchez, 55 vjeçe, dukej mahnitëse me një fustan të bardhë pa mëngë, një kapele të zezë dhe syze të mëdha dielli.Burri i saj i ri nuk mund t’i ndante duart prej saj teksa u larguan nga hoteli luksoz me pesë yje Aman, për të nisur jetën e tyre martesore – edhe pse ende nuk dihet se ku planifikojnë të kalojnë muajin e mjaltit.
Rreth 200 VIP-a nga më të pasurit e botës morën pjesë në festimet e çiftit gjatë fundjavës, përfshirë Kim, Khloe dhe Kris Kardashian, Lady Gaga, Oprah Winfrey, Eva Longoria, Ivanka Trump dhe Tom Brady.
Nuk u kurse asgjë nga njeriu i tretë më i pasur në botë, Jeff, pasuria e të cilit vlerësohet në 177 miliardë paund.
“Jeff këmbënguli që t’i mbulonte vetë të gjitha shpenzimet,” tha një burim për ne.“Ai dëshironte që të gjithë të ndiheshin të përkujdesur maksimalisht, nga momenti i mbërritjes deri në largim.”
Një pjesë e konsiderueshme e shpenzimeve të festës u dedikua për verërat dhe pijet alkoolike, me përzgjedhje të kuruara posaçërisht për të përfaqësuar vitet e lindjes së çiftit dhe momentet e rëndësishme të jetës së tyre.
Burimi: botasot.info
