2
Shkup, 26 qershor – Deputetja e VLEN-it, Mimoza Musa, ka bërë të ditur se sot është zhvilluar një takim i rëndësishëm mes Klubit për Deputetë të Rinj dhe Politika Rinore dhe përfaqësuesve të organizatës britanike Westminster Foundation for Democracy (WFD), përcjell Zhurnal.mk.
Në njoftimin e saj, Musa thekson se në qendër të diskutimeve ishin prioritetet strategjike të klubit, objektivat për të ardhmen si dhe roli thelbësor i të rinjve në proceset vendimmarrëse.
“Sot diskutuam për mënyrat konkrete për të fuqizuar zërin e të rinjve dhe për të krijuar më shumë hapësira për pjesëmarrjen e tyre aktive në politikë,” theksoi Musa, duke shtuar se bashkëpunime të tilla janë kyçe për të ndërtuar një sistem më përfaqësues dhe më demokratik.
Ky takim vjen si pjesë e përpjekjeve të vazhdueshme për të rritur përfshirjen e të rinjve në politikëbërje dhe për të zhvilluar politika të reja në përputhje me nevojat dhe ambiciet e brezave të rinj.// Zhurnal
Burimi: zhurnal.mk
