Shkup, 30 gusht – Kandidati për kryetar të komunës së Çairit, Izet Mexhiti, prezanton një tjetër hap të rëndësishëm në zhvillimin e komunës duke theksuar angazhimin për përmirësimin e infrastrukturës në gjithë lagjet e Çairit.

Sot, Mexhiti ishte i pranishëm në lagjen Gazi Babë, ku po zhvillohen punimet në Rrugën Jashar Erebara, një projekt me vlerë mbi 3 milionë denarë. Investimi përfshin ndërtimin e rrjetit të ri të ujësjellësit, kanalizimit atmosferik dhe fekal, ndriçim modern dhe asfaltim të plotë të rrugës, pas përfundimit të punimeve nëntokësore.

Kjo është dëshmia më e mirë e vizionit të qartë të Mexhitit për një Çair më të mirë dhe më të gjelbër, ku çdo lagje ka nevojë për infrastrukturë funksionale dhe kushte dinjitoze jetese. Ai tha se investimet janë të koordinuara mirë, me mbështetjen e plotë të institucioneve lokale dhe qendrore, duke përfshirë Komunën, Ministrinë e Mjedisit Jetësor dhe Qeverinë.

“Çairi meriton më shumë,” tha Mexhiti ndërsa thekson se këtë plan i bën realitet përmes projekteve të menaxhueshme dhe në kohë. “Investimet po zhvillohen në mënyrë të planifikuar, sepse vetëm kështu mund të sigurojmë një jetë më të mirë dhe kushte të denja për të gjithë banorët e lagjeve tona.”, transmeton Zhurnal.mk

Burimi: zhurnal.mk