Zëvendëskryeministri i parë dhe njëri nga liderët e koalicionit VLEN, Izet Mexhiti, ka dhënë një paralajmërim të qartë për zgjedhjet lokale që pritet të mbahen në fillimntë muajit Tetor.
Gjatë intervistës në Kanal 5 me gazetarin Aleksandar Vidinovski, Mexhiti theksoi se nëse Bashkimi Demokratik për Integrim vendos të garoj me figura të nivelit të lartë partiak, siç përflitet për kandidimin e ish ministrit të Jashtëm Bujar Osmani në Çair, atëherë VLEN do të përgjigjet në të njëjtën mënyrë.
“Nëse BDI del në zgjedhje lokale me nënkryetar partie, VLEN do të përgjigjet me kuadro të njëjta”, deklaroi Mexhiti, duke lënë të kuptohet se beteja në Çair do të jetë ndër më të ashpërat në vend.
Kjo deklaratë vjen në kohën kur spekulimet për emrat e kandidatëve për kryetarë komunash po intensifikohen, ndërsa gara në Çair shihet si një prej më vendimtareve për peshën politike të partive shqiptare në vend.
