Sllupçani dhe Likova po bëhen simbole të ndryshimit të shumëpritur. Si dy flakadanë të pashuar, këto vendbanime dëshmojnë se ndryshimi që shqiptarët prisnin me vite po vjen tashmë, duke shënuar fillimin e fitores së koalicionit VLEN.
“Sot qëndruam në zemrën e Sllupçanit dhe të gjithë Komunën e Likovës, së bashku me Bilalin, Zekën dhe Arbenin, ku takuam kandidatin tonë për kryetar komune, profesor Nexhmedin Sadikun. Sllupçani dhe Likova kanë qenë gjithmonë simbol i qëndresës dhe i dinjitetit. Sot, këto treva janë gati të bëhen edhe simbol i ndryshimit të madh që po vjen me VLEN-in”, ka deklaruar zëvendëskryeministri i parë, Izet Mexhiti.
Profesor Nexhmedin Sadiku prezantohet si kandidati ideal për drejtimin e komunës, një njeri me integritet, vizion dhe përkushtim. Ai premton menaxhim efikas, realizim projektesh konkrete dhe shërbim ndaj qytetarëve me ndershmëri dhe transparencë.
Burimi: lajme24.mk
