Kandidati i koalicionit qeverisës VLEN për Komunën e Çairit, Izet Mexhiti, ka reaguar ashpër pas deklaratës së kundër kandidati të tij nga Aleanca Kombëtare për Integrim, Bujar Osmani, i cili ka refuzuar të përballet me të në debatin e sotëm në TV21.
I pyetur nga gazetarët se si e komenton këtë vendim të Osmanit, Mexhiti u përgjigj me ironi.
“Do ta pres, se nuk është LIVE emisioni, është i inçizuar. Do ta kryej intervistën me karrigen zbrazur, por do të ndalem aty dhe do ta pres Bujar Osmanin,” ka deklaruar Mexhiti
Sipas Mexhitit kandidati i AKI-së, për të disatën herë shmang përballjen publike me të. Mexhiti e ka kthyer ikjen e Osmanit në simbol të frikës dhe mungesës së guximit për tu përballur lidhur me realitetin e Çairit.
