“Sot në Bruksel, kafenë e mesditës e pimë me Adnan Dibranin, eurodeputetin me prejardhje nga Kosova, që përfaqëson Suedinë në Parlamentin Evropian”, ka shkruar në faqen e tij zyrtare në Facebook kryetari i Komunës së Çairit dhe bashkëkryetari i VLEN-it, Izet Mexhiti.
Sipas Mexhitit, gjatë takimit miqësor me deputetin Adnan Dibrani janë diskutuar zhvillimet aktuale në rajon, procesi i integrimit evropian, si dhe sfidat që pritet të shoqërojnë periudhën e ardhshme.
Mexhiti vlerësoi se diskutimet me njerëz që e njohin nga afër rajonin dhe që janë pjesë e proceseve vendimmarrëse në nivel evropian kanë rëndësi të veçantë, duke theksuar nevojën për bashkëpunim dhe komunikim të vazhdueshëm në funksion të perspektivës evropiane të rajonit.
