Gazeta britanike “Daily Express” ka kritikuar përsëri Novak Gjokoviqin, këtë herë me një artikull: “Taktika të urryera” për të mposhtur Janik Sinerin në të kaluarën.
Kjo i ka çartur disa media serbe sidomos “Expresso” duke shkruar: “Disa media – jo çuditërisht nga Britania shfrytëzuan humbjen e tij për një sulm tjetër.
“Daily Express” sugjeroi në artikullin e saj të titulluar “Novak Gjokoviq përdori taktika të urryera për të mposhtur Janik Sinerin derisa ATP ndryshoi rregullat” se serbi i ka përdorur rregullat në avantazhin e tij për vite me radhë dhe se disa nga këto “hile” tani janë të paaftësuara nga rregulloret e reja të ATP-së”.
”Daily Express” ka shkruar se “Gjokoviq i përdori me mjeshtëri pushimet për në tualet kur lojtarëve u lejohej ta bënin këtë.
Tani ATP ka kufizuar numrin e pushimeve që një lojtar mund të ketë gjatë një ndeshjeje, si dhe kohëzgjatjen e tyre dhe kur mund të merren. Lojtarëve tani u lejohen tre minuta pushime për në tualet për ndeshje dhe lejohen t’i përdorin ato vetëm në fund të një seti”.
Burimi: botasot.info
