Me ndeshjen Tereza – Prishtina hapet xhiroja e 11-të e Superligës së Kosovës në hendboll në konkurrencë të femrave.
Kjo ndeshje zhvillohet të premten prej orës 19:00 në palestrën “Adem Jashari” në Obiliq.
Të dy skuadrat pretendojnë plejofin, por aktualisht janë jashtë zonës që dërgon në garat shtesë.
Tereza është e pesta me tetë pikë nga nëntë ndeshje. Prishtina është në vendin e gjashtë. I ka gjashtë pikë nga tetë ndeshje.
Dy ndeshje tjera të xhiros së 11-të janë të shtunën.
Nga ora 15:30 takohen Shqiponja e Ulpiana, kurse Samadrexha – Besa është ndeshja që fillon në ora 20:00.
Në të dy këto ndeshje skuadrat vendase janë favorite.
Ndeshja mes Ferizajt dhe Kastriotit është shtyrë për javën e ardhshme.
Samadrexha është e para në tabelë me 16 pikë. Nga 14 i kanë Shqiponja e Istogu. Pason Ferizaj me 12 pikë.
Në vendin e shtatë është Ulpiana me tri pikë, sa i ka edhe Kastrioti në të tetin. Kurse e fundit është Besa me dy pikë.
Në Ligën e Parë të hendbollisteve është po ashtu java e 11-të.
Të shtunën janë ndeshjet Vushtrria – Jusuf Gërvalla (15:00) dhe Dukagjini – KEK-u (20:00). Të dielën janë dy takime të tjera: Trepça – CLICK (13:00), Prizreni – Vëllaznimi (15:00).
Burimi: botasot.info
