Prezantuesja britanike Maya Jama ka tërhequr vëmendjen me një fotosesion të ri, pas pjesëmarrjes së saj në spektaklin “Celebrity Traitors”.
Ylli televiziv 32-vjeçar ka vënë në pah linjat e saj trupore me një kostum të kuq me dekolte të hapur dhe motive gjeometrike. Pamjen e kompletoi me një shkëlqyes buzësh në ngjyrë të kuqe, pjesë e bashkëpunimit të saj me markën Rimmel, të cilin e prezantoi para 3.5 milionë ndjekësve në rrjetet sociale.
Fotosesioni u realizua në një ambient zyre të stilit të viteve ’70, me një kompjuter retro dhe një telefon në formë buzësh, duke i dhënë fotografive një pamje nostalgjike.
Ndërkohë, suksesi i saj në ekran po shoqërohet edhe me rritjen e pasurisë. Sipas raportimit të “Daily Mail”, pasuria e kompanisë së Maya Jama ka kaluar shifrën prej katër milionë paundësh.
Vetëm brenda një viti, biznesi i saj është rritur me afro 1.4 milionë paund. Llogaritë e publikuara së fundmi tregojnë se në fund të janarit të këtij viti kompania kishte rreth 2.5 milionë paund në bankë, si dhe investime me vlerë afro 1.4 milionë paund.
Këto shifra vijnë pas paraqitjes së saj në finalen e “The Celebrity Traitors” muajin e kaluar, ku Maya arriti deri në episodin e fundit si njëra prej dy tradhtareve të mbetura në lojë.
Burimi: botasot.info
