Maura Higgins dhe Holly Willoughby tërhoqën vëmendjen në “Ladies Day” të Royal Ascot të enjten, duke u shfaqur me veshje elegante të frymëzuara nga filmi ikonik My Fair Lady.
Maura u paraqit me një fustan të bardhë të personalizuar nga Sabina Bilenko Couture, të kombinuar me një kapele me strehë të gjerë dhe doreza po ashtu të bardha, duke krijuar një pamje tejet glamuroze në pistën e garave.
Ndërkohë, Holly, 45 vjeçe, ndau me ndjekësit në Instagram paraqitjen e saj elegante përpara se të nisej drejt hipodromit në Berkshire. Moderatorja zgjodhi një fund të bardhë me pala dhe një xhaketë të mbështjellë, duke kompletuar stilin me aksesorë të bardhë.
Pamjen e saj e plotësonin një kapele elegante nga Jane Taylor London dhe një çantë Aspinal Midi Mayfair me vlerë 750 paund, ndërsa buzëkuqi i kuq rubin i dha kontrastin perfekt.
“Po shkoj në Ascot. Zyrtarisht jam këtu për kuajt, jozyrtarisht për shampanjën dhe tortën”, shkroi Holly në përshkrimin e fotografisë së saj në Instagram.
Burimi: botasot.info
