Maroku në finalen e Kupës së Afrikës, qeveria shtyn provimet e semestrit të parë

Finalja e Kupës së Afrikës 2025 ka përfshirë të gjithë Marokun në një atmosferë entuziazmi të jashtëzakonshëm.

Në prag të përballjes vendimtare kundër Senegalit, e planifikuar për të dielën në orën 20:00 në Rabat,

Ministria e Arsimit Kombëtar ka marrë një vendim të paprecedentë: shtyrjen e provimeve të semestrit të parë dhe të vlerësimeve të vazhdueshme.

Fillimisht të parashikuara për datat 19 dhe 20 janar, provimet do të zhvillohen tani më 20 dhe 21 janar.

Vendimi u mor për shkak të mobilizimit të madh kombëtar rreth “Luanëve të Atlasit”, të cilët janë kualifikuar në finalen e parë të Kupës së Afrikës pas vitit 2004 dhe synojnë një trofe që mungon prej afro 50 vitesh.

Kjo masë erdhi edhe pas kërkesës zyrtare të Mohamed Ouzzine, sekretar i përgjithshëm i Lëvizjes Popullore, i cili i kishte bërë thirrje ministrit Saad Berrada që t’u jepte nxënësve mundësinë të ndiqnin finalen pa cenuar përgatitjen akademike.

“Ky vendim do t’u lejojë nxënësve të jetojnë momentet e festës pa sakrifikuar studimin dhe përqendrimin”, ishte shprehur ai.

Maroku arriti në finale pasi u rendit i pari në grupin e tij dhe më pas eliminoi Tanzaninë (1-0), Kamerunin (2-0) dhe Nigerinë (0-0, 4-2 pas penalltive). Interesi për ndeshjen e së dielës është i jashtëzakonshëm: biletat në tregun e zi kanë arritur shifra nga 500 deri në 800 euro, duke treguar ethet që kanë përfshirë gjithë vendin.