manxhuka publikon sqarimin e kurtit per vendimin ndaj serbise 6afb0e7fe0e9d

Manxhuka publikon sqarimin e Kurtit për vendimin ndaj Serbisë

November 16, 2026
min lexim

Zëdhënësi i Qeverisë, Arlind Manxhuka, ka shpërndarë deklaratën e kryeministrit Albin Kurti nga mbledhja e Qeverisë, lidhur me vendimin për ndalimin zyrtar të blerjes së energjisë elektrike nga Serbia.

Kurti ka bërë të ditur se ky vendim vjen për të ndaluar blerjen e energjisë nga Serbia, ndërsa ka sqaruar se Kosovës nuk i nevojiten linjat ndërkufitare për import të energjisë nga ky shtet, por për tranzitin e energjisë së blerë në vendet e tjera.

Ai ka theksuar se Serbia prej vitesh bllokon shfrytëzimin e linjave ndërkufitare me Kosovën, duke shkaktuar dëme financiare dhe vështirësi për sigurinë e furnizimit me energji elektrike.

Ndërkaq, ministrja Artane Rizvanolli ka sqaruar se KOSTT dhe KEK nuk kanë pasur transaksione me kompani serbe gjatë qeverisjes aktuale.

Postimi i tij:

1. KOSOVA NUK KA BLERË ENERGJI ELEKTRIKE NGA SERBIA, POR BLERJA E SAJ NUK KA QENË E NDALUAR (PËR KOMPANITË);

2. NGA SOT, BLERJA E ENERGJISË ELEKTRIKE NGA SERBIA ËSHTË EDHE ZYRTARISHT E NDALUAR (PËR TË GJITHË);

3. SERBIA ASNJËHERË NUK NA ËSHTË DASHUR SI BURIM PËR BLERJEN E ENERGJISË ELEKTRIKE, POR SI RRUGA MË E SHKURTËR PËR TRANZITIN E ENERGJISË SË BLERË NË BURSËN HUPX NË HUNGARI.

Kryeministri Kurti:

Pas katër javësh, më 14 dhjetor 2026, saktësisht, bëhen plot 6 vite prej se sistemi ynë elektroenergjetik fitoi pavarësinë e plotë energjetike. Që nga ajo kohë, Serbia bllokon alokimin komercial dhe tregtimin me linjat ndërkufitare me Kosovën, duke shkaktuar dëme financiare, por në kohë të caktuara edhe duke rrezikuar sigurinë e furnizimit me energji elektrike.

Bllokimi i linjave nga ana e Serbisë nuk na pengon sepse duam të blejmë energji nga Serbia, mirëpo ajo e pamundëson shfrytëzimin e kësaj infrastrukture kritike për të sjellë energjinë tranzit nga shtetet e tjera.

Pra, dy linjat e interkoneksionit 400 kilowoltëshe, të cilat i ka bllokuar Serbia, neve nuk na duhen të hapura në mënyrë që të importojmë prej saj, por në mënyrë që ato të shfrytëzohen për tranzit, për qarkullimin e lirë të energjisë elektrike, e cila me bllokimin e Serbisë, e ka fituar një mur në vend të telave të shpërndarjes, në vend të linjave të interkoneksionit.

Ministrja Rizvanolli:

Dua ta qartësoj edhe një gjë. Kjo nuk do të thotë që ne deri tash kemi pasur shkëmbime të energjisë elektrike me Serbinë.

Siç e kam thënë edhe shumë herë më herët, ndërmarrjet tona publike, KOSTT dhe KEK, nuk kanë pasur transaksione me kompani serbe përgjatë qeverisjes sonë.

Burimi: botasot.info

VERO

EVN MACEDONIA

MATINA DENTAL CLINIC

AUTO SHKOLLA BEKO

gashi jemi te angazhuar per nje marreveshje rreth ligjit per perfaqesim te drejte 6afb0e2262249
Lajmi i mëparshëm

Gashi: Jemi të angazhuar për një marrëveshje rreth Ligjit për Përfaqësim të Drejtë

braho pse spak nuk kerkoi lejen e kuvendit per arrestimin e ballukut 6afb0edbb13a3
Lajmi i radhës

Braho: Pse SPAK nuk kërkoi lejen e Kuvendit për arrestimin e Ballukut

Të fundit nga

ShkoLartë