Flamurtari dhe Bylis kanë barazuar në ndeshjen e vlefshme për javën e dytë të Superiores. Sfida e zhvilluar në stadiumin “Adush Muça”, përfundoi me shifrat 3-3.
Në përfundim të këtij dueli ka folur “Lojtari i Ndeshjes”, futbollisti i Flamurtarit, Erald Maksuti i cili shënoi dygolësh.
“Faleminderit për komplimentet. Golat e mi nuk shkuan për fitoren e ekipit, por do i sakrifikoja për 3 pikët. Unë nuk e kisha pritur të isha menjëherë titullar, por kemi një staf të shkëlqyer. Më kanë pritur mirë të gjithë, stafi, lojtarët dhe tifozëria. Jam shumë i lumtur.
Dallim niveli nga nga Kategoria e Parë në Superiore, por duhet t’ja lë analistëve nësë jam lojtar i mirë apo jo. E ndihmova ekipin deri diku, por 3 pikëshi që se morëm sot na vret disi.
Jam në një moshë që duhet të shpërthej. Besoj se do të jetë viti im, por primare kam që të ndihmoj ekipin. Pas kësaj vijnë gjërat personale.
Objektivi i Flamurtarit? Jemi një grup i ri dhe do kohë që të afirmohemi. Dëshira e madhe është të kapim Final Four dhe pse jo kampionë. Por duhet të jemi me këmbë në tokë. Por nga java në javë do përmirësohemi. Shpresoj që të na ndihmojë pushimi i Kombëtareve.
Gjuhët e huaj tek ekipi juaj? Gjuha angleze është primare. Por unë nuk e kam aq të vështirë, pasi anglisht dhe italisht flas, kjo e fundit ka ngjashmëri me spanjishten”, tha Maksuti.
Burimi: botasot.info
