Madonna nuk lë asnjë moment të rëndësishëm të jetës së saj të kalojë pa u vënë re. Më 16 gusht, “Mbretëresha e Pop-it” festoi 67-vjetorin e lindjes me një udhëtim unik në Itali, në shoqërinë e familjes së saj.
Që prej vitesh, Madonna kishte shprehur dëshirën të ndiqte nga afër garën historike me kuaj Palio di Siena, një traditë që daton që nga Mesjeta dhe që ngjall emocione të mëdha tek banorët e qytetit.
Këtë vit, ëndrra e saj u bë realitet. Në një postim në Instagram, ajo e përshkroi garën si një “ritual të shenjtë” dhe shprehu emocionin për ta përjetuar për herë të parë.
Ajo ishte në shoqërinë e vajzave të saj, Lourdes (28 vjeç) dhe Mercy (19 vjeç), si dhe të të dashurit të ri, kërcimtarit Akeem Morris (28 vjeç).
Familja kaloi ditët në Toskani, duke shijuar shëtitjet në natyrë, fishekzjarret, momentet muzikore me Mercy-n në piano dhe valle me banorët vendas, siç tregoi një video që Madonna ndau në rrjetet sociale.
Kulmi i festës ishte torta, një krijim gjigant rozë me temë nga personazhi i famshëm Labubu. Në të shkruhej “Happy Birthday Madudu”, një nofkë e ëmbël që tregon anën e saj lozonjare.
E veshur me një korse sateni të bardhë, Madonna fiku qirinjte e tortës spektakolare.
Postimi i saj u mbush menjëherë me urime nga miq të famshëm dhe adhurues: Andy Cohen shkroi “Happy birthday Queen”, Katy Perry e quajti “MY QUEEN”, ndërsa ish-kryeministri kanadez, Justin Trudeau, shtoi “Happy happy birthday”.
Burimi: botasot.info
