Lorenzo Pellegrini ka vendosur të mbetet te Roma, duke i dhënë fund çdo spekulimi për një largim të mundshëm gjatë kësaj vere. Ish-kapiteni i verdhekuqve, megjithëse i lidhur me disa pista transferimi, ka preferuar të vazhdojë aventurën e tij në kryeqytetin italian.
Sipas Fabrizio Romanos, Pellegrini kishte marrë një ofertë të rëndësishme nga Trabzonspor.
Klubi turk i kishte propozuar Romës një huazim me detyrim blerjeje të garantuar, marrëveshje që do të siguronte për klubin italian një fitim të kënaqshëm dhe hapësirë në buxhetin e pagave. Megjithatë, gjithçka u ndal nga vetë lojtari, i cili nuk dëshironte të largohej nga skuadra ku është rritur dhe afirmuar.
Edhe pse në disa vende merkatoja është ende e hapur, përfshirë Turqinë deri më 12 shtator, gjithçka tregon se Pellegrini nuk do të ndryshojë destinacion. Për momentin, ai mbetet pjesë e rëndësishme e projektit të Romës, edhe pse pa shiritin e kapitenit që i është besuar së fundmi Lorenzo Spinazzola-s.
Ky vendim tregon edhe një herë lidhjen e fortë të Pellegrinit me fanellën verdhekuqe, pavarësisht tundimeve financiare që vinin nga jashtë.
Burimi: botasot.info
