Edicioni i gjashtë i “Big Brother VIP Albania” ka nisur të marrë vëmendjen e publikut, ndërsa në rrjetet sociale po qarkullojnë emrat e parë të personazheve që mund të bëhen pjesë e shtëpisë.
Pak ditë më parë, Emrat kanë sjellë mendime të ndryshme mes të ftuarve, të cilët kanë diskutuar se kush mund të përshtatet më mirë me një format që kërkon bashkëjetesë dhe izolim për një periudhë të gjatë.
Desjana Rapaj veçoi dy prej tyre, duke thënë se do të dëshironte t’i shihte në shtëpinë e “Big Brother VIP Albania”.
“Më interesantë për mendimin tim do të ishin Fero dhe Bujari. Bujar Qamili po dhe po, por dhe Fero do ishte një prurje e mirë”, u shpreh ajo.
Ndërkohë, Ardi Borova ishte më skeptik për mundësinë që disa prej këtyre personazheve të qëndronin gjatë në garë.
“Unë do të thoja kështu: 80% prej atyre dalin javën e parë, maksimumi të dytën, mos më bëj të vendos gishtat. Bujari nuk e mban atë izolimin. Kur hyn brenda ka një tjetër atmosferë aty”, deklaroi ai.
Në studio u diskutua edhe për Mira Konçin, ndërsa disa prej të ftuarve ngritën pikëpyetje nëse angazhimet familjare dhe qëndrimi i gjatë larg përditshmërisë do të ndikonin në eksperiencën e saj.
Megjithatë, ky mendim u kundërshtua nga Oksana, e cila theksoi se mosha nuk përcakton domosdoshmërisht aftësinë e një personi për të përballuar një reality show.
“Po pse moshën e shihni? Mund të varet nga aftësia, nga ambicia, nga tipi, çfarë karakteri ke?”, u shpreh ajo.
Një tjetër emër që u komentua ishte Robert Berisha, për të cilin Desjana Rapaj bëri disa batuta lidhur me kujdesin që këngëtari tregon për pamjen e jashtme.
Diskutimi u ndal gjithashtu te Viola Spiro dhe Deta Kokomani, si dy personazhe që mund të sillnin dinamika të ndryshme nëse do të bëheshin pjesë e spektaklit.
Përveç banorëve të mundshëm, në emision u përmend edhe rikthimi i Arbër Hajdarit në rolin e opinionistit, pozicion që ai e ka mbajtur në edicionet e mëparshme.
Megjithatë, të gjithë emrat e diskutuar mbeten për momentin pjesë e hamendësimeve dhe nuk ka një konfirmim nga produksioni se ndonjëri prej tyre ka pranuar të hyjë në shtëpi.
Ledion Liço publikoi një fotografi me logon e spektaklit, të shoqëruar me mbishkrimin “Thonë që ju ka marrë malli…”, duke dhënë një sinjal për rikthimin e formatit.
Pikërisht për këtë temë është diskutuar edhe në emisionin “Ftesë në 5”, ku moderatorja Bieta Sulo dhe të ftuarit kanë komentuar emrat që po përfliten për edicionin e gjashtë.
Gjatë bisedës, në studio është prezantuar një listë me gjashtë personazhe të njohura: Bujar Qamili, Mira Konçi, Robert Berisha, Viola Spiro, Deta Kokomani dhe Fero.
Burimi: botasot.info
