Një automjet Lamborghini me targa britanike ka dalë nga rruga në autostradën kroate A1, në drejtim të Dubrovnikut, dhe ka përfunduar mbi barrierën mbrojtëse.
Sipas raportimeve, drejtuesi i automjetit po lëvizte me shpejtësi të madhe kur humbi kontrollin dhe doli nga rruga.
Në vendin e ngjarjes është vërejtur edhe një Ferrari, çka ka ngritur dyshimet se dy automjetet luksoze mund të kenë qenë duke garuar në autostradë.
Për fat të mirë, nga incidenti nuk raportohet për persona të lënduar.
Ndërkohë, Klubi Kroat i Automobilave (HAK) ka paralajmëruar drejtuesit e automjeteve se në disa segmente rrugët janë të rrëshqitshme. Shoferëve u bëhet thirrje që ta përshtatin shpejtësinë dhe mënyrën e drejtimit me kushtet e rrugës, për të shmangur aksidentet.
Burimi: botasot.info
