Los Angeles Lakers kanë arritur një fitore të vështirë 116-114 në udhëtim ndaj Phoenix Suns, edhe pse shpërdoruan një avantazh prej 20 pikësh gjatë takimit.
Në momentet vendimtare, për ekipin nga Kalifornia rezultoi vendimtare saktësia nga goditjet e lira, ku LeBron James tregoi përvojën e tij.
“King James” e mbylli ndeshjen me 26 pikë, ndërsa Luka Donçiç dha një kontribut të rëndësishëm me 29 pikë të realizuara, duke ndihmuar Lakers të shmangnin humbjen në fundin dramatik të sfidës.
Një tjetër ndeshje me shumë emocione u zhvillua në Portland, ku Trail Blazers arritën të mposhtin Golden State Warriors me rezultatin 136-131. Kjo ndodhi pavarësisht një performance spektakolare të Steph Curry-t, i cili zhvilloi një nga ndeshjet më të mira individuale të sezonit.
Ylli i Warriors shënoi plot 48 pikë në Oregon, por paraqitja e tij fenomenale nuk mjaftoi për t’i shpëtuar skuadrës nga humbja, e cila pritet të mbetet gjatë në memorien e tifozëve.
Të gjitha rezultatet:
Cleveland Cavaliers – Charlotte Hornets 111-119 (kohë shtesë)
Indiana Pacers – Washington Wizards 89-108
Atlanta Hawks – Philadelphia 76ers 120-117
Brooklyn Nets – Milwaukee Bucks 127-82
Minnesota Timberwolves – Sacramento Kings 117-103
Chicago Bulls – New Orleans Pelicans 104-114
Phoenix Suns – Los Angeles Lakers 114-116
Portland Trail Blazers – Golden State Warriors 136-131
Burimi: botasot.info
