Këngëtarja e njohur kanadeze, Avril Lavigne është bërë nënë për herë të parë, duke mirëpritur në jetë një vajzë me partnerin e saj, identitetin e të cilit nuk e ka bërë të ditur.
Lajmin e bukur ajo e ka ndarë me ndjekësit përmes një postimi në Instagram, ku ka publikuar disa fotografi të veçanta nga momentet e para me të porsalindurën.
Në njërën prej fotografive, Lavigne shihet duke përqafuar vogëlushen, ndërsa në një tjetër shfaqet së bashku me partnerin, duke mbajtur dorën e vogël të vajzës së tyre.
Këngëtarja ka publikuar një fotografi me tri palë atlete të markës “Vans”, duke simbolizuar familjen e re prej tre anëtarësh.
Krahas fotografive, ajo ka shkruar: “Princesha jonë e vogël ka ardhur në jetë”, duke shprehur kështu gëzimin për ardhjen e vajzës.
Lavigne, e cila ndër vite ka qenë një nga emrat më të njohur të muzikës pop-rock, ka zgjedhur ta ndajë këtë moment të rëndësishëm në mënyrë diskrete, duke mos zbuluar më shumë detaje rreth partnerit dhe jetës së tyre familjare.
Burimi: botasot.info
