Kylie Jenner ka zbuluar një nga sekretet e saj të bukurisë.
Të premten mbrëma, 29-vjeçarja, e cila së fundmi tha se dëshiron të ketë gjoks më të madh, përdori Instagram Stories për të treguar trajtimin e saj të fundit kozmetik – microneedling, një procedurë që përdoret për përmirësimin e pamjes së lëkurës.
Ajo publikoi një fotografi nga një telefonatë në FaceTime me motrën e saj, Kendall Jenner, 30 vjeçe, ku fytyra e Kylie-t shihej e mbuluar me krem të bardhë mpirës dhe folie plastike.
Jenner u tregoi fansave se kishte bërë microneedling atë ditë dhe se kjo ishte mënyra se si dukej video-telefonata me motrën e saj ndërsa kishte kremin mpirës në fytyrë.
Ylli më pas bëri shaka me pamjen e saj, duke vendosur një shigjetë pranë fotografisë së vet dhe duke shkruar “vajzë e çmendur”, ndërsa për Kendall shkroi “e lezetshme”.
Në një video të shkurtër pasuese, Kylie u shfaq pa grim dhe nga afër, duke shkruar se lëkura e saj tashmë po shërohej shumë mirë.
Burimi: botasot.info
