Kuvendi i Republikës së Maqedonisë së Veriut në seancën e djeshme ka miratuar me procedurë të shkurtuar Ligjin për plotësimin e Ligjit për sigurinë në komunikacionin rrugor.
Me ndryshimet e reja, personave që posedojnë patentë shoferi të kategorisë B u lejohet të drejtojnë motoçikleta me kubikazh deri në 125 cm³, me kusht që të kenë të paktën 5 vite përvojë në drejtim, të jenë mbi 23 vjeç dhe të kenë përfunduar trajnimin teorik të paraparë.
Ligji do të hyjë në fuqi pasi Ministria e Punëve të Brendshme të përcaktojë detajet për trajnimet dhe mënyrën e lëshimit të certifikatave, duke hapur kështu një kapitull të ri për adhuruesit e motoçikletave në vend.
Burimi: alfax.mk
