Me një reagim të shkurtër që nuk e kalon një fjali, zyra e Presidentit të Republikës ka reaguar pas vendimit të Gjykatës Kushtetuese për të pezulluar dekretin për zgjedhjet e pjesshme në Tiranë.
Shkurt dhe pa asnjë shpjegim të mëtejshëm, si ai që sqaronte se përse i dekretoi zgjedhjet, Presidenca shkruan se kreu i shtetit e respekton vendimin e Kushtetueses.
“Në përgjigje të interesit të mediave, ju bëjmë me dije se Institucioni i Presidentit të Republikës respekton vendimin e Gjykatës Kushtetuese për pezullimin e pjesës që përcakton datën e zgjedhjeve vendore në Bashkinë e Tiranës të dekretit me nr.350, datë 01.10.2025”, shkruan presidenca.
Burimi: opinion.al
