Kushte atmosferike të qëndrueshme dhe temperatura të larta, parashikimi i motit për këtë të Hënë

Ditën e hënë Shqipëria do të jetë nën ndikim të masave ajrore relativisht të qëndrueshme dhe të nxehta.

Moti parashikohet i kthjellët dhe me alternime vranësirash të pakta deri mesatare në orët e mesditës deri pasdite kryesisht përgjatë relieveve malore në jug të vendit. Në periudha afatshkurta vranësirat në juglindje hera-herës deri të dendura, por kalimtare. Pas orëve të pasdites mot i kthjellët në të gjithë vendin.

Reshje e shiut parashikohen lokale, me intensitet të ulët në mesditë deri pasdite në jug të vendit, shtrëngata afatshkurtra të izoluara maleve.

Era do të fryjë me drejtim veriperëndim-verilindje me shpejtësi mesatare 7 m/s, e cila hera-herës përgjatë vijës bregdetare dhe zonave luginore pritet të fitojë shpejtësi deri në 14 m/s.

Valëzimi në det do të jetë i forcës 1-3 ballë.