Video-loja më e re Resident Evil ishte njoftuar se do të dalë në shitje shumë shpejt gjersa sot dihet edhe data.
Resident Evil 9: Requiem do të jetë një video-lojë e zhanrit horror dhe del më 27 shkurt 2026 për kompjuterët personal, PlayStation 5 dhe Xbox Series X dhe S.
Personazhi kryesor i video-lojës do të jetë analistja e FBI-së Grace Ashcroft, e cila heton një seri vdekjesh misterioze dhe duhet të kthehet saktësisht në vendin ku është vrarë nëna e saj.
Në njoftimin zyrtar është konfirmuar gjithashtu se Raccoon City është shkatërruar, duke përfshirë edhe ndërtesën e stacionit të policisë, dhe do të mësojmë se si do të lidhen historitë dhe nëse në video-lojën e re do të shfaqen personazhe që tashmë i njohim mirë. Edhe pse çmimi nuk është konfirmuar ende, pritet të jetë rreth 40 euro si shumica e lojërave të reja në seri.
Resident Evil është një seri kult i video-lojërave horror nga botuesi japonez Capcom, që u shfaq për herë të parë në 1996 dhe ndihmoi në formësimin e të gjithë zhanrit.
Lojtarët mbijetojnë në ambiente të tensionuara, shpesh klaustrofobike, duke luftuar kundër zombive dhe kërcënimeve të ndryshme biologjike të lidhura me korporatën e korruptuar Umbrella.
Seria kombinon horror, aksion dhe enigma, dhe njihet për atmosferën, personazhet legjendarë si Leon S. Kennedy, Chris Redfield dhe Jill Valentine, si dhe për armiqtë e paharrueshëm si Nemesis dhe Albert Wesker.
Burimi: botasot.info
