Kryeministri i Maqedonisë së Veriut, Hristijan Mickoski, ministrja e Arsimit dhe Shkencës, Vesna Janevska, dhe kryetari i Komunës së Butelit, Darko Kostovski, shënuan sot fillimin e vitit të ri shkollor në SHFK “Aco Shopov”.
Dita e parë e shkollës u shënua me veçanërisht me gëzim për nxënësit e klasave të para, të cilët për herë të parë u ulën në bankat shkollore.
Sipas Kostovskit, në shkollën “Aco Shopov” po realizohen edhe projekte të rëndësishme infrastrukturore. Në fazën përfundimtare është zgjerimi i shkollës, ndërsa paralelisht po ndërtohet edhe një pishinë e re e mbyllur.
Komuna e Butelit ka siguruar edhe këtë vit çantë me pajisjet e nevojshme shkollore dhe uniformë për çdo nxënës të klasës së parë në shkollat fillore komunale.
Kostovski u uroi të gjithë nxënësve një vit të suksesshëm shkollor, me shumë dije, miqësi dhe momente të bukura.
