Kombëtarja e Kosovës do të përballet sonte me Slloveninë në stadiumin “Fadil Vokrri” në Prishtinë, në ndeshjen e tretë të ciklit kualifikues për Kupën e Botës 2026, raporton KosovaPress.
Trajneri Franco Foda, në konferencën para ndeshjes ka theksuar se ekipi është në gjendje shumë të mirë dhe se të gjithë lojtarët, përveç mbrojtësit Lumbardh Dellova, janë të gatshëm për lojë.
Nga ana tjetër, trajneri slloven Matjazh Kek ka pranuar se atmosfera e zjarrtë në Prishtinë do të jetë një motiv shtesë për lojtarët e tij.
Takimi do të gjykohet nga arbitri italian Marco Guida, me ndihmësit Giorgio Peretti dhe Giuseppe Perrotti, ndërsa gjyqtar i katërt do të jetë Daniele Chiffi. Sistemin VAR do ta menaxhojë Marco Di Bello, i asistuar nga Valerio Marini.
Stadiumi “Fadil Vokrri” do të jetë i stërmbushur pasi janë shitur të gjitha biletat që ishin ne dispozicion.
Formacionet zyrtare:
Kosova: Muric; Vojvoda, Krasniqi, Hajdari, Aliti, Gallapeni; Avdullahu, Rexhbecaj, Muslija; Muriqi, Rrahmani
Sllovenia: Oblak; Brekalo, Bijol, Drkusic, Karnicnik; Seslar, Cerin, Elsnik, Stojanovic; Gradisar, Sesko
Burimi: botasot.info
